22 ноября 2008 г.
Ача-пăча пултарулăхне аталантарас енĕпе районта чылай ĕç пурнăçлаççĕ. Тăтăшах тĕрлĕ конкурс, фестиваль йĕркелени те паха. Акă, ноябрĕн 20-мĕшĕнче районти культурăпа кану центрĕнче фольклор ансамблĕсен “Карусель” фестивалĕ иртрĕ. Унта Елчĕк районĕнчи ача-пăча пултарулăх ансамблĕ те хутшăнчĕç. Ташши те, юрри те чылай пулчĕ. Ачасем юрлани савăнăç парнелерĕ. Тĕрлĕ çулсенчи ача-пăча сцена çинче чăннипех те пултаруллă иккенне тĕслĕхпе çирĕплетсе пачĕ. Фестивале пирĕн ентеш, Раççей, Чăваш Республикин культура тава тивĕçлĕ ĕçченĕ, “Уяв” фольклор ансамблĕн ертÿçи Зинаида Козлова килни те савăнтарчĕ. Вăл хăнана пĕччен çеç çитмен, хăйĕнпе пĕрле “Юрай” юрăпа ташă ансамбльне илсе килнĕ. Куракансем вĕсене тăвăллăн аллă çупса йышăнчĕç. Пултарулăхне пысăк хак пачĕç.
Источник: "Каçал Ен"