Публикации » РАÇÇЕЙРЕ 2-МĔШ ВЫРĂНТА

15 ноября 2008 г.

Ноябрĕн 10-мĕшĕнче Мускаври национальноçсен çуртĕнче савăнăçлă каçра «Толерантность и профилактика экстремизма в среде молодежи» интернет-проекта хутшăннă конкурсантсене наградăсем парса чысларĕç. Çак конкурсра интернет-проектсен 48 ĕçне пăхса тухнă. Комисси членĕсем пĕр саслăн вĕсенчен 8-не суйласа илнĕ. Çĕнтерÿçĕсене 4 номинацире палăртнă. Хаклав вăхăтĕнче чи малтанах сайта мĕнле хатĕрленине тата унпа усă курма меллĕ пулнине шута илнĕ. «Лучший образовательный ресурс» номинацире пирĕн районти Комсомольски 1-мĕш вăтам шкулĕн директорĕн воспитанипе ĕçлекен çумĕн Николай Алексеевич Атласкинăн ĕçĕ 2-мĕш вырăн йышăннă. Ăна эпир çĕнтерÿпе саламлатпăр.

Источник: "Каçал Ен"