18 октября 2008 г.
Октябрĕн 13-мĕшĕнче Пĕтĕм Раççейри «Единая Россия» партин Комсомольски уйрăмĕн конференцийĕ пулчĕ. Унта çак ыйтусене пăхса тухрĕç: вырăнти политсовет йышне улшăнусем кĕртесси, тĕрĕслевпе ревизи комиссийĕ çинчен калакан Положение йышăнасси тата Пĕтĕм Раççейри «Единая Россия» партин Чăваш Енри уйрăмĕн ХIV конференцине хутшăнма делегатсем суйласси.
Конференцие «Единая Россия» партин районти уйрăмĕн политсовет секретарĕ Геннадий Волков уçрĕ, вăлах ертсе пычĕ. Пирваях Геннадий Федорович парти йышне тин кĕнисене билетсем пачĕ. Район пуçлăхĕ ноябрĕн 20-мĕшĕнче Мускавра «Единая Россия» партин Х съезчĕ пулассине пĕлтерчĕ. Çак форумра çĕршыв аталанăвĕпе çыхăннă пысăк пĕлтерĕшлĕ ыйтусем пăхса тухĕç. Çав шутрах – «Раççейри аграри партийĕ» «Единая Российăпа» пĕрлешессине, партине кĕрессинчи çĕнĕ йĕркесем çинчен. Политсовет секретарĕ çавăн пекех малашнехи тĕллевсемпе ĕçсене те палăртрĕ.
Доклада сÿтсе явса Пĕтĕм Раççейри «Единая Россия» партин регионти уйрăм секретарĕн çумĕ Петр Краснов, районти уйрăмăн политсовет секретарĕн заместителĕ Валерий Гаврилов хутшăнчĕç. Тĕрĕслевпе ревизи комиссийĕ çинчен калакан Положенипе унăн председателĕ Сергей Журавлев паллаштарчĕ.
Пĕтĕм Раççейри «Единая Россия» партин Чăваш Енри уйрăмĕн ХIV конференцине хутшăнма вĕрентÿ пайĕн начальникне Николай Максимова суйларĕç.
Вырăнти политсовет йышне пĕр саслă Илдус Минетуллина кĕртрĕç. Вăл халиччен «Раççей аграри партийĕн» вырăнти уйрăмĕн секретарĕ пулнă.
Источник: "Каçал Ен"