08 октября 2008 г.
Иртнĕ эрнере районти культурăпа кану центрне культура ĕçĕнче ĕçлесе тивĕçлĕ канăва кайнă ватăсем йышлăн пухăнчĕç. Уяв кĕрекине ларнă пенсионерсене район администрацийĕн культура пайĕн пуçлăхĕ В.Васильев саламларĕ. Паянхи кун пурнăçланă ĕçсемпе, çитĕнÿсемпе, çĕнĕлĕхсемпе, малашнехи плансемпе паллаштарчĕ. Тивĕçлĕ канурисене канлĕ ватлăх, çирĕп сывлăх сунчĕ. З.Мельникова специалист, культура ĕçченĕсен районти профсоюз комитечĕн председателĕ М.Мокеева, искусство шкулĕн директорĕ Ф.Гибатдинов сăмах илчĕç.
Валентина Тимофеева ертсе пыракан агидбригада членĕсем ватăсене çепĕç юрăсем парнелерĕç. Альбина Кокшина тĕрлĕ вăйăсем, конкурссем йĕркелерĕ. Уява вăйă-кулăпа, ташă-юрăпа вĕçлерĕç.
Ватăсем килĕсене тулли кăмăлпа саланчĕç. Уява çÿллĕ шайра йĕркелесе ирттернĕшĕн пурне те тав сăмахĕ каларĕç.
Источник: "Каçал Ен"