Публикации » ПЕРЕПИÇ КОМИССИЙĔН ЛАРĂВĔ

27 сентября 2008 г.

2010 çулта Раççейре тепĕр хут халăх перепиçĕ пулать. Ăна хатĕрленсе ирттерме районта 7 çынран ятарлă комисси туса хунă. Сентябрĕн 26-мĕшĕнче асăннă комиссин пĕрремĕш ларăвĕ пулчĕ. Ăна районти статистика пайĕн ертÿçи Зинаида Смирнова ертсе пычĕ. Халăх çыравĕ йĕркеллĕ ирттĕр тесен нумай ыйтăва шута илмелле. Кун йĕркине вĕсенчен виççĕшне кĕртнĕ. Ял поселенийĕсен пуçлăхĕсем, федераллă миграци службин районти управленийĕн начальникĕ А.Галкина, халăха ĕçпе тивĕçтерекен центрăн ертÿçи Н.Антонов, социаллă хÿтлĕх пайĕн специалисчĕ Е.Челакова, шалти ĕçсен пайĕн обществăлла милици начальникĕ А.Ларионов халăх çыравне ирттернĕ чух чи малтан тумалли ĕçсене сÿтсе яврĕç, тивĕçлĕ йышăну турĕç.

Источник: "Каçал Ен"