27 сентября 2008 г.
Эрне ытла çумăр çумарĕ те, районти ял хуçалăх предприятийĕсем çĕрулми уйĕнче аванах ĕçлеме ĕлкĕрчĕç. «Иккĕмĕш çăкăр» районĕпе пурĕ 2082 гектар йышăнать пулсан, сентябрĕн 26-мĕшĕ тĕлне ăна 1516 гектар çинчен пуçтарса кĕртнĕ. Çакă пĕтĕм лаптăкăн 73 проценчĕ пулать. «Слава» (50 гектар), «Алга» (14 гектар), «Рассвет» (90 гектар) ЯХПКсенче, Атласкинăн хресченпе фермер хуçалăхĕнче (5 гектар) çĕрулмине пĕтĕмпех кăларса пуçтарса пĕтернĕ.
«Урожай» колхозра çĕрулми 120 гектар йышăнать, çак кун тĕлне ăна 50 ытла гектар çинчен пухса илнĕ. Унта кашни гектарăн вăтам тухăçĕ – 346 центнер. «Слава картофелю» агрофирмăра кăлармалли 10 гектара яхăн çеç юлнă, вĕсен тухăçĕ 298 центнерпа танлашать. «Дубрава», «Труд», «Победа», «Пайгас», «Рассвет» кооперативсенче, «Нива» агрофирмăра, Минатуллинăн, «Кызыл сабанча», Семеновăн фермер хуçалăхĕсенче вара кашни гектар 200 е ытларах центнер тухăç парать.
«Асаново» (10 гектар) тата «Алга» (5 гектар) ЯХПКсенче хăмла татассине вĕçленĕ. Хальлĕхе типĕ виçепе пурĕ 9 тонна хăмла илнĕ.
Пахчаçимĕç районĕпе 148 гектар йышăнать пулсан, çак вăхăт тĕлне ăна 48 гектар çинчен пуçтарса кĕртнĕ. «Кызыл сабанча», «Родина», Минатуллинăн фермер хуçалăхĕсенче çак ĕçе уйрăмах аван йĕркеленĕ. Кĕрхи тырăсене 3487 гектар çине акса хăварнă, кĕракине октябрĕн 1-мĕшĕнчен кая хăварасшăн мар. 5170 гектар çинче кĕрхи çĕртме тунă.
Источник: "Каçал Ен"