24 сентября 2008 г.
Чылай вăхăт çумăрлă тăнă хыççăн çанталăк уяртрĕ. Ял хуçалăх предприятийĕсем ку вăхăтпа туллин усă кураççĕ. Сентябрĕн 23-мĕшĕ тĕлне «иккĕмĕш çăкăра» 1110 гектар çинчен пуçтарса илнĕ. Ку енĕпе яланхи пекех «Слава картофелю» агрофирма ăнăçлă ĕçлет. Унти вăтам тухăç кашни гектар пуçне 290 центнерпа танлашать. Тухăç уйрăмах «Нива» агрофирмăра, «Рассветра», Минатуллинăн фермер хуçалăхĕнче, «Урожай» колхозра, «Слава» ял хуçалăх кооперативĕнче пысăкрах.
Ял хуçалăх предприятийĕсем кĕр тыррисем акаççĕ. Çак ĕçе 2815 гектар çинче пурнăçланă. 4370 гектар çинче çĕртме тунă. Çанталăк панă вăхăтра уй-хир ĕçĕсене май килнĕ таран хăвăртлатмалла. Ку енĕпе ĕçлеме хальлĕхе механизаторсем те пур, техника та çителĕклĕ. Хуçалăхсен ку вăхăтпа усă курса юлмаллах.
Источник: "Каçал Ен"