06 сентября 2008 г.
Тăван районăмăра туса хунăранпа 2009 çулхи февраль уйăхĕнче 70 çул çитет. Çак чаплă юбилее халалланă культура мероприятийĕсен программинче художествăлла пултарулăх коллективĕсен смотр-конкурсне йĕркелеме палăртнă. Смотра учрежденисемпе организацисен, предприятисен, ял поселенийĕсен художество пултарулăх коллективĕсемпе уйрăм юрăçсем хутшăнаççĕ. Вăл «Комсомольское» культурăпа кану центрĕнче графикпа килĕшÿллĕн иртет. Смотр-конкурс кăçалхи октябрĕн 16-мĕшĕнче уçăлать, 2009 çулхи майăн 7-мĕшĕнче вĕçленет. Концерт умĕн ял поселенийĕсен пуçлăхĕсем, предприяти-организацисен, учрежденисен ертÿçисем кĕске доклад тăваççĕ. Пуçламăшĕ — 18 сехет те 30 минутра.
Коллективсен пултарулăхне хакланă чухне кăтартакан программăн профессионаллăхне, артистсен ăсталăхне, сцена çинчи культура шайне шута илеççĕ. Смотр-конкурсăн çĕнтерÿçисене жюри палăртать. Чи лайăх коллективсемпе уйрăм исполнительсене дипломсемпе тата ятарлă парнесемпе чыслаççĕ. Чи маттуррисем районти ĕçпе юрă, спорт уявĕнче, Акатуйра, сцена çине тухĕç.
Источник: "Каçал Ен"