Публикации » Вăрра тытнă

27 августа 2008 г.

Юрий Владимиров хăйĕн çур пурнăçне тĕрмерех ларса ирттернĕ тесен те тĕрĕсех пулĕ. Ĕçсĕр çапкаланса çÿрекенскер, яланах вăрлас пирки ĕмĕтленнĕ. Çăмăллăн пурăнма вĕреннĕ вăл. Акă, май уйăхĕн вĕçĕнче вăл, ÿсĕрскер, автостанцинчи “Радиомир” магазинта Н.Карсакова сумкинчи енчĕке вăрлать. Инçе каймасăрах хăйĕн тусĕпе унти укçа-тенкĕне пайлама пуçлаççĕ. Н.Карсакова та çухалса каймасть, тÿрех вăрă хыççăн тухать, ăна районти çар ĕç комиссариачĕн çурчĕ айккинче асăрхать. Çывăхра милици сотрудникĕ пулни вăрра тытма пулăшнă та. Ю.Владимирова çын пурлăхне хапсăннăшăн явап тыттарнă. Унăн тĕрмере 2 çул та 6 уйăх юсанмалла пулать. Çак вăхăтра вăл тÿрленессе шанас килет.

Источник: "Каçал Ен"