23 августа 2008 г.
Уяр çанталăкпа усă курса районти ял хуçалăх предприятийĕсем пикенсех пĕрчĕллĕ тата пăрçа йышши тырăсем çулаççĕ, улăм пуçтараççĕ,суха ĕçĕсем тăваççĕ.
Августăн 22-мĕшĕ тĕлне районĕпе 9500 гектар тырă вырнă, 9350 гектарне е пухса илмелли пĕтĕм лаптăкăн 68 процентне çапса тĕшĕленĕ. Йĕтемсем çине 24680 тонна тырă кĕнĕ. Вăтам тухăç кашни гектар пуçне районĕпе 26,4 центнерпа танлашать. «Слава картофелю» агрофирмăра кашни гектартан 43,5 центнер, «Нива» агрофирмăра, «Пайгас» ял хуçалăх кооперативĕнче, Минатуллинăн, Семеновăн, «Кызыл сабанча» фермер хуçалăхĕсенче 30 центнер ытла, «Урожай» колхозра, «Золотой колос» ОООра 20 центнер ытла тухăç илнĕ. Атласкинăн, Семеновăн фермер хуçалăхĕсем мĕн çитĕнтернине пуçтарса кĕртнĕ. «Урожай» колхозра, «Слава», «Искра», «Алга», «Заря», «Родина», «Кызыл сабанча» фермер хуçалăхĕсенче те акнă лаптăкăн 70 процентне пуçтарса илнĕ.
Пур хуçалăхра та улăм пуçтарас ĕç пырать. Ку енĕпе «Урожай» колхоз, «Слава» ял хуçалăх кооперативĕ, Минатуллинăн, Атласкинăн, Семеновăн фермер хуçалăхĕсем тăрăшуллă. Районĕпе 5208 гектар çинчен улăм пуçтарнă, тюкласа кĕртнĕ, урана хывнă, халăха валеçсе панă.
Кĕр тыррисем акма çĕр хатĕрлес енĕпе малалла ĕçлеççĕ. Хальлĕхе 2750 гектар хатĕр çĕр пур. Августăн 21-мĕшĕнче «Труд» хуçалăх 30 гектар, «Восток» 10 гектар кĕрхи тулă акнă.
Районти 13 хуçалăхра кĕрхи çĕртме тăваççĕ. Ăна 1038 гектар çинче пурнăçланă. Уйрăмах ку енĕпе «Слава» (315 гектар), «Урожай» (105) гектар), «Нива» (100 гектар) хуçалăхсенче ĕç-пуç аван.
Ял хуçалăх предприятийĕсем 1081 тонна тырă сутнă.
Выльăх апачĕ хатĕрлесси малалла пырать. Районĕпе 7718 тонна утă, 30557 тонна сенаж, «Родина» хуçалăх 500 тонна силос хатĕрленĕ.
Çанталăк уяр тăрать. Унпа туллин усă курмалла.
Источник: "Каçал Ен"