23 августа 2008 г.
Çурла уйăхĕн 20-мĕшĕнче районта черетлĕ информаци кунĕ иртнĕ. Малтанах сывлăха сыхлас тата социаллă аталану министрĕн çумĕ Л.Рулькова тата республикăри «Чуваштоппром» унитарлă патшалăх предприятийĕн тĕп директорĕ Ю.Алексеев район пуçлăхĕпе Г.Ф.Волковпа тĕл пулнă. Информаци кунĕнче пăхса тухмалли тĕп ыйтусене сÿтсе явнă. Уйрăмах калаçу Кăнтăр Осетире асап тÿснĕ çынсене пулăшу парасси, Чăваш Республикин 2008 çулхи 1-мĕш çур çулĕнчи экономика аталанăвĕ тата социаллă пĕтĕмлетĕвĕсене тишкересси, шкулсене çĕнĕ вĕренÿ çулне хатĕрлесси пирки пынă.
Каярах сывлăха сыхлас тата социаллă аталану министрĕн çумĕ Л.Рулькова Çĕнĕ Мăратри тата Шурут ялĕсенчи ваттисен çурчĕсене çитсе курса вĕсен ĕçĕ-хĕлĕпе паллашнă.
Республикăри «Чуваштоппром» унитарлă патшалăх предприятийĕн тĕп директорĕ Ю.А.Алексеев вара Александровка тата Комсомольски ял поселенийĕсене çитнĕ, «Кооператор» ООО коллективĕпе тĕл пулса калаçнă.
Тĕлпулусем вăхăтĕнче информ ушкăн ял çыннисене тĕрлĕ ыйтусемпе йышăннă.
Источник: "Каçал Ен"