13 августа 2008 г.
Çумăрсем уй-хир ĕçĕсене чарса тăчĕç. Уяр çанталăкпа усă курса ял хуçалăх предприятийĕсенче вырма ĕçĕсем пыраççĕ.
Кăçал районти пĕрлешÿллĕ хуçалăхсенче 14589 гектар çинчен пĕрчĕллĕ тата пăрçа йышши тырăсем пуçтарса кĕртмелле. Августăн 12-мĕшĕ тĕлне 2191 гектар тырă çулнă, 1644 гектарне çапса тĕшĕленĕ. Йĕтемсем çине 4630 тонна тырă кĕнĕ. Вăтам тухăç хальлĕхе гектар пуçне 28,2 центнерпа танлашать. Вырма ĕçĕ «Слава картофелю» агрофирмăра, Атласкинăн, Семеновăн фермер хуçалăхĕсенче аван пырать. Хальлĕхе вăтам тухăç «Слава картофелю» агрофирмăра 40,3 центнерпа, «Урожай» колхозра 34,1 центнерпа, «Госсорткомиссия» патшалăх учрежденийĕнче 32,2 центнерпа, «Пайгас» ял хуçалăх кооперативĕнче 31,7 центнерпа, Минатуллинăн фермер хуçалăхĕнче 30,3 центнерпа танлашать.
Хуçалăхсем пикенсех кĕр тыррисем акма çĕр хатĕрлеççĕ. Хальлĕхе 1917 гектар сухаланă çĕр пур. Ку ĕç «Труд», «Урожай», «Победа», «Восток» хуçалăхсенче аван пырать. 10 хуçалăхра улăм пуçтараççĕ, урана хываççĕ, преслаççĕ, халăха валеçсе параççĕ. 300 гектар çинчен улăм пуçтарнă. «Труд», «Асаново», «Луч», «Правда» ял хуçалăх кооперативĕсенче, «Слава картофелю» агрофирмăра çĕртме тăвасси пырать.
«Слава картофелю» агрофирма 12 гектар, «Нива» агрофирма 1 гектар, ытти хуçалăхсене шутласан, пурĕ 17 гектар çĕрулми кăларнă. «Иккĕмĕш çăкăра» 301 тонна пуçтарса кĕртнĕ.
Выльăх апачĕ хатĕрлесси малалла пырать. 6425 тонна утă пур. Ку енĕпе «Слава» (904 тонна), «Урожай» (886 тонна), «Труд» (400 тонна), «Асаново» (376 тонна) хуçалăхсем ăнăçлă ĕçлеççĕ.
Районĕпе 29936 тонна сенаж янтăланă. «Восток» хуçалăх 3900 тонна, «Урожай» 3115 тонна, «Асаново» 3040 тонна паха апат хатĕрленĕ.
Уй-хирте ĕçсем вăй илсех пыраççĕ. Хуçалăхсем уяр кунăн кашни сехечĕпе пĕлсе те тухăçлă усă курма тăрăшаççĕ.
Источник: "Каçал Ен"