09 августа 2008 г.
Августăн 6-мĕшĕнче Шупашкарти «Олимпийский» стадионта мини-футбол турнирĕ иртнĕ. Ăна Физкультурниксен кунне тата çуллахи XXIX Олимп вăййисене халалласа йĕркеленĕ.
Ăмăртусене тĕрлĕ çулхи футболистсенчен тăракан 36 команда хутшăннă. Чи çамрăккисем 1995—1996 çулсенче çуралнисем пулнă. Вĕсен хушшинче — Комсомольски районĕнчи «Орбита» команда та. Вăйăсем олимп системипе иртнĕ, урăхла каласан, выляса яраканни тÿрех тухса ÿкет. «1995—1996 çулсенче çуралнă спортсменсем» категорире пирĕн «Орбита» хирĕç вылякан 4 командăна парăнтарнă, пĕрремĕш вырăна тухнă. Çамрăк спортсменсене тата Валерий Николаев тренера çĕнтерÿ ячĕпе саламлатпăр, тата пысăк çитĕнÿсем сунатпăр.
Источник: "Каçал Ен"