09 августа 2008 г.
Кĕçех вĕренÿ çулĕ пуçланать. Шкулсем ачасене кĕтсе илме тивĕçлĕн хатĕрленсе çитнĕ-и-ха? Шăпах çак ыйтăва татса парас енĕпе ĕçленĕ те утă уйăхĕн 4—7-мĕшĕсенче районти вĕрентÿ пайĕ йĕркеленĕ ятарлă комисси.
Район администрацийĕн вĕрентÿ пайĕн ертÿçи Н.А.Максимов, представителĕсем — В.И.Кириллов, Ю.А.Кузьмин, М.В.Иванова, санэпидстанци специалисчĕ О.П.Кузьмина, ГИБДД инспекторĕ В.А.Кондратьев, пушар хăрушсăрлăх службин ертÿçи В.Б.Тихонов, В.В.Мамуткин инспектор çĕнĕ вĕренÿ çулне мĕнле хатĕрленнине районти пур шкула та çитсе тĕрĕслерĕ. Вĕсем вĕренÿ класĕсен хăтлăхĕпе, пахча-çимĕç ÿстерессипе, столовăйсенче санитари, шкул уйрăмĕнче пушар хăрушсăрлăхĕн правилисене еплерех пăхăннипе, шкул автобусĕсем çула тухма мĕнлерех хатĕрленсе çитнипе тĕплĕн паллашрĕç. Районти вĕрентÿ учрежденийĕсен тĕрĕслевĕ конкурс формипе иртессине пĕлтерчĕç.
Источник: "Каçал Ен"