26 июля 2008 г.
Чăваш Республикин тава тивĕçлĕ артисчĕ, сцена ăсти Иван Николаевич Кузьмин çуралнăранпа 50 çул çитрĕ.
Иван Николаевич пирĕн районти Анат Тимĕрчкасси ялĕнче 1958 çулхи утă уйăхĕн 22-мĕшĕнче çуралнă. 1975 çултанпа Чăваш патшалăх пукане театрĕнче вăй хурать. 1990 çулта Ярославльти театр училищинчен вĕренсе тухса «пукане театрĕн актерĕ» специальноçа алла илет.
Актер хăйĕн репертуарĕнче 59 спектакльте 127 сăнар калăпланă. Вăл — труппăри чи пултаруллă пуканеçĕсенчен пĕри. “Асанне юмахĕнчи” (Р.Сарпи) Ашапатман карчăк, “Кĕлпикери” (Ш.Перро) Шут, “Русланпа Людмилăри” (А.Пушкин) Ватă, “3 сысна çурири” (С.Михалков) Кашкăр т.ыт.те — рольсем асран тухмаççĕ.
И.Н.Кузьмин — пĕчĕк куракансен чи юратнă “пуканийĕ”. Театр искусствине аталантарас ĕçре пултаруллă пулнăшăн ăна “ЧР тава тивĕçлĕ артисчĕ” ята панă.
Источник: "Каçал Ен"