26 июля 2008 г.
Раççейре те, Чăваш Республикинче те, çавăн пекех пирĕн районта та шкулсене реструктуризаци тăваççĕ. Сахал ачаллă вĕренÿ учрежденийĕсенчи ачасене пĕлÿ пухма шкул автобусĕсемпе никĕс (база) шкулне илсе çÿреççĕ.
Урмаелĕнче икĕ шкулччĕ. Пĕри — пĕтĕмĕшле пĕлÿ паракан тĕп шкул, тепри — вăтам шкул. Район пуçлăхĕн Г.Волковăн йышăнăвĕпе малашне Урмаелĕнче пĕр шкул анчах пулĕ. Вăл — никĕс шкулĕ. Унта ачасене тарăн пĕлÿ пама пур услови те пур.
Çак йышăнупа килĕшÿллĕн Дубовка тата Кивĕ Сĕнтĕр ялĕсенчи пуçламăш шкулсене те хупма палăртнă.
Источник: "Каçал Ен"