08:11 05 июня 2017 г.
Хисеплӗ ентешӗмӗрсем!
Сире Пӗтӗм тӗнчери тавралӑха сыхламалли кун ячӗпе чун-чӗререн саламлатӑп!
Ҫут ҫанталӑкпа килӗшӳллӗ пурӑнасси, уншӑн тӑрӑшасси – кашнин тивӗҫӗ. Ҫынсен пурнӑҫ пахалӑхӗпе сывлӑхӗ ҫине витӗм кӳрекен пурӑнакан вырӑнти таса тавралӑха нимӗнле тӗрлӗ ырлӑх та ылмаштарма пултараймасть.
Ҫӗршыв Президенчӗ пӗлтернӗ Раҫҫейри Экологи ҫулталӑкӗ пире ҫут ҫанталӑк тупри-пуянлӑхне сыхласа упрас, унӑн ресурсӗсемпе вырӑнлӑ усӑ курас ӗҫре хастартарах пулма хистет.
Эпир ҫут ҫанталӑкпа усӑ курмалли тытӑма ҫулсерен аванлатса пыратпӑр, экологи хутлӑхне лайӑхлатассипе тата производство сферинчи экологи хӑрушсӑрлӑхне ӳстерессипе ҫыхӑннӑ ҫивӗч ыйтусене татса паратпӑр. Коммуналлӑ хытӑ каяшсемпе хальхилле усӑ курмалли, Ҫӗнӗ Шупашкарти биологи мелӗпе тасатакан сооруженисене юсаса ҫӗнетмелли тата Шупашкарти «Заовражная» шыв тасатакан станцире юшкӑна тирпейлекен комплекс тумалли пирӗн проектсене ҫӗршыври инвестици хывас ӗҫӗн чи лайӑх тӗслӗхӗсем тесе йышӑннӑ. Ҫав тата инфратытӑм йӗркелекен ытти проектсене пурнӑҫлани республикӑра пурӑнакан ҫынсене хумхантаракан экологи ыйтӑвӗсене татса парас тӗлӗшпе лайӑх кӑтартусем тума пулӑшрӗҫ.
Ҫут ҫанталӑк пуянлӑхӗсене упраса хӑварма пулӑшас ӗҫе служба тивӗҫӗпе е ӑна чун-чӗри хушнипе пурнӑҫлакан, йывӑҫ-тӗм лартмалли экологи проекчӗсемпе субботниксене хутшӑнакан, хӑйӗн шухӑш-ӗмӗчӗн тасалӑхӗшӗн тата кӑмӑл-сипет экологийӗшӗн тӑрӑшакан мӗнпур ҫынна чунтан тав тӑватӑп.
Ҫут ҫанталӑк пире тараватлӑн парнеленӗ сайра йышши пуянлӑха упраса хӑварассишӗн эпир малашне те хамӑртан мӗн килнине пӗтӗмпех тӑвасси пирки пӗрре те иккӗленместӗп.
Чӑваш Республикин Пуҫлӑхӗ Михаил Игнатьев
Автономное учреждение Чувашской Республики «Редакция Комсомольской районной газеты «Касал ен» («Кошелеевский край») Министерства информационной политики и массовых коммуникаций Чувашской Республики