12:32 02 июня 2017 г.
Паян Санкт-Петербургри пĕтĕм тĕнчери экономика форумĕнче Регионсен инвестици илĕртỹлĕхĕн рейтингне презентациленĕ май Чăваш Республики пĕлтĕрхи 6-мĕш вырăнтан кăçал 2-мĕш вырăна хăпарнине пĕлтернĕ.
Ревокат Прохоров, ĕçпе вăрçă ветеранĕ:
- Чăваш Ен инвестици илĕртỹлĕхĕн Наци рейтингĕнче Раççейри 85 регион хушшинче 2-мĕш вырăн йышăнни чăннипех те пысăк çитĕнỹ. Республикăра инвестици проекчĕсем ăнăçлă пурнăçланаççĕ. Унпа пĕрлех çынсене валли çĕнĕ ĕç вырăнĕсем уçăлни те пĕлтерĕшлĕ. Пирĕн районта та юлашки пилĕк çула илес пулсасассăн та мĕн чухлĕ улшăну пулчĕ. Çĕнĕ фельдшерпа акушер пункчĕсем, ача сачĕ, вăтам шкул, пахча-çимĕç упрамалли хранилищĕсем, сĕт-çу, выльăх чĕрлĕх фермисем хута кайрĕç. Пĕтĕмпех - çынсен ырлăхĕшĕн, район, республика аталанăвĕшĕн. Чăваш Республикин аталану кăтартăвĕсене федераци шайĕнче тивĕçлипе хаклани, эпир малтисен йышĕнче пулни савăнтарать. Чечеклентĕр, аталантăр Чăваш Ен!
Автономное учреждение Чувашской Республики «Редакция Комсомольской районной газеты «Касал ен» («Кошелеевский край») Министерства информационной политики и массовых коммуникаций Чувашской Республики