13:14 29 декабря 2014 г.
Ку шухăша Çĕнĕ çула патшалăх наградипе кĕтсе илекенсенчен пĕри палăртнă. Пĕтĕмпе вара республикăри 46 ĕçчене хисеп тунă. Вĕсенчен хăшĕсене Раççей шайĕнчисемпе, теприсене республикăрисемпе чысланă. Наградăна Чăваш Ен Элтеперĕ Михаил Игнатьев тыттарнă. Хисепе тивĕçнисем хушшинче культурăра, ăслăлăхпа ӳнерте, ял хуçалăхĕпе промышленноçра, вĕрентӳпе сывлăх сыхлавĕнче тăрăшакансем, нумай ачаллисем пур.
Чи малтан сцена çине Комсомольски район пуçлăхĕ — унти Депутатсен пухăвĕн председателĕ, вырăнти райпо ертӳçи Евгений Карпеев хăпарнă. Ăна «Тăван çĕршыв умĕнчи тава тивĕçлĕ ĕçсемшĕн» орден медалĕпе хакланă. Чыслава хутшăннă Зинаида Паршагина журналист пĕлтернĕ тăрăх, кун пек пысăк шая мĕншĕн тивĕçни пирки ыйтсан Евгений Иванович хуравлама тăхтаса тăнă иккен, унтан хăй кампа ĕçленисене аса илме тытăннă-мĕн. «Çынсем тăрăшнине кура. Награди мана тивĕçрĕ», — тенĕ иккен сăпайлă пуçлăх.
Автономное учреждение Чувашской Республики «Редакция Комсомольской районной газеты «Касал ен» («Кошелеевский край») Министерства информационной политики и массовых коммуникаций Чувашской Республики
Первоисточник: http://chuvashia.rfn.ru/rnews.html?id=94733