08:40 05 апреля 2014 г.
Статистика тĕпчевĕсем тата аслă шкул экономикин институчĕ нумаях пулмасть Раççей регионĕсем инновацие аталантарас, ĕçе кĕртес тĕлĕшпе еплерех ĕçленине палăртакан инноваци аталану индексĕпе паллаштарнă. Раççейри регионсен йышĕнче Чăваш Ен - 6-мĕш вырăнта.
"Рейтинга палăртни сигнал панипе тан. Регионсем хăйсен аталанăвне палăртса çитменлĕхсене кураççĕ. Инноваци политики паянхи кун комплекслă пулмалла, вăл предприятисен аталанăвне çеç мар, наукăпа вĕренỹ аталанăвĕ валли тĕрлĕ мелсемпе тивĕçтермелле", - пĕлтернĕ институт проректорĕ Леонид Гохберг.
Рейтинга палăртнă чухне 36 тĕп кăтартăва шута илнĕ. Чи малтанах социаллă-экономикăлла аталанăва, наукăпа техника потенциалне, инновациллĕ ĕç-хĕле тĕпе хунă. Пĕтĕмлетỹсемпе килĕшỹллĕн, рейтинг лидерĕсем - Мускавпа Санкт-Петербург хулисем тата Тутарстан Республики. Тăваттăмĕш вырăнта - Чулхула облаçĕ, Калуга облаçĕ пиллĕкмĕш вырăна тивĕçнĕ. Чăваш Ен рейтингра улттăмĕш вырăн йышăннă. Инновациллĕ Раççей 10 регионĕн йышне Свердловск, Томск, Мускав тата Ульяновск облаçĕсем кĕнĕ.
А.МАРИЯН.
Автономное учреждение Чувашской Республики «Редакция Комсомольской районной газеты «Касал ен» («Кошелеевский край») Министерства информационной политики и массовых коммуникаций Чувашской Республики