14:12 08 ноября 2013 г.
Ноябрĕн 1-мĕшĕпе декабрĕн 25-мĕшĕччен Комсомольски районĕн гербĕпе ялавне тăвас енĕпе лайăх шухăш сĕнекенсем хушшинче конкурс пулать. Конкурсăн тĕп тĕллевĕ — тăван ене чунтан юратакан çынсене тупасси, район гербне е ялавне хатĕрлеме лайăх шухăш паракансене палăртасси.
Конкурса кашниех хутшăнма пултарать. Хатĕр ĕçсене çак адреспа декабрĕн 15-мĕшĕччен йышăнаççĕ: Комсомольски ялĕ, Завод урамĕ, 57-мĕш çурт, 57-мĕш пÿлĕм, ыйтса пĕлмелли телефон: 5-12-97. Проект эскизне А4 формат çине ÿкермелле, шухăша уçăмлатса ăнлантарса çырни кирлĕ, адреса, телефона çырмалла. «Конкурс валли» тесе палăртса ĕçе конверта чикмелле.
Конкурс икĕ тапхăрпа иртет. Декабрĕн 15-мĕшĕччен ĕçсемпе паллашса чи пĕлтерĕшлине суйласа илеççĕ, иккĕмĕш тапхăрĕнче чи-чи лайăххисене, район символĕсене хатĕрленĕ çĕрте никĕс вырăнне усă курма май пур ĕçсене, РФ Президенчĕ çумĕнчи Геральдика советĕнчи специалистсем патне гербпа ялав хатĕрлеме яраççĕ.
Автономное учреждение Чувашской Республики «Редакция Комсомольской районной газеты «Касал ен» («Кошелеевский край») Министерства информационной политики и массовых коммуникаций Чувашской Республики