06 мая 2008 г.
Николай ЕМЕЛЬЯНОВ, Шупашкар мэрĕ:
Пирĕн хула вăл пĕр евĕр мар, çавах унăн кашни кĕтесĕ пирĕншĕн хаклă. Шупашкар заливĕ вара хулари чи хитре вырăн, ун тăрăх уçăлса çÿрени кирек камăн кăмăлне çĕклĕ. Ахальтен мар ĕнтĕ туристсем çав илемшĕн Шупашкара Атăл çи тăрăхĕн Хрусталь кăшăлĕ, теççĕ.
Сывлăха сыхлас, вĕрентÿ, культура ĕçĕсене, искусствăпа спорта хулара пысăк тимлĕх уйăраççĕ. 2008 çулта шăпах пирĕн хулара тĕнче масштабĕллĕ спорт пулăмĕ — хăвăрт утассипе ХХIII Тĕнче Кубокĕ — иртни пирĕнте мăнаçлăх туйăмĕ çуратать. Пирĕн хула — пĕтĕм тĕнчешĕн уçă. Эпир хăнасене кĕтетпĕр, чăваш çĕрĕ вĕсене çăкăр-тăварпа, чăвашсен мĕн пур тараватлăхĕпе кĕтсе илессе кăна мар, кашни еншĕн усăллă, ĕçлĕ çыхăнусем йĕркеленессе те шанатпăр.
Источник: "Каçал Ен"