26 апреля 2008 г.
ЧР финанс министрĕ Н.Смирнов 2007 çулта Чăваш Республикин республика бюджетне мĕнле пурнăçлани çинчен каласа панă. Министр пĕлтернĕ тăрăх, пĕлтĕр республика бюджетне тупăшсен енĕпе 28,2 миллиард тенкĕлĕх (101,3 процент) пурнăçланă. Çулталăкра бюджета 7 миллиард тенке яхăн ÿстерме пултарнă. Ку вăл социаллă пурнăçпа культура ыйтăвĕсене татса пама, инфратытăма аталантарма самаях пулăшнă. Пĕрлештернĕ бюджетри тăкаксен пайĕ 29,1 миллиард тенкĕпе танлашнă. Бюджетри налуксен тÿпи 2006 çулхинчен 37,9 процент ÿснĕ. Раççейĕн вăтам кăтартăвĕ — 25,2 процент. Чăваш Ен харпăр хăй тупăшĕ енĕпе Раççей регионĕсен хушшинче 15-мĕш вырăн йышăннă. Республикăна федераци бюджетĕнчен укçа-тенкĕ куçарасси унчченхи çулхинчен 1,7 хут ытла ÿснĕ. Федерацин Атăлçи округĕнче ку кăтарту 1,3 хут, Раççейре 1,5 хут ÿснĕ. Республикăра приоритетлă наци проекчĕсене пурнăçа кĕртес енĕпе уйрăмах нумай ĕçленĕ.
Источник: "Каçал Ен"