Публикации » ХĂЙĔН ĔÇНЕ ЮРАТАТЬ

23 апреля 2008 г.

«Заря» ял хуçалăх кооперативĕнчи сĕт-çу ферминче пултаруллă та маттур ĕçченсем вăй хураççĕ. Кунта сăвакан ĕнесен йышĕ те чылай. Сĕт суса илес енĕпе çĕнĕмăратсем малтисен ретĕнче. Кăтартусем пысăк пулни дояркăсен тăрăшулăхĕнчен те нумай килет. Ферма ĕçченĕсем шанса панă ĕçе вăхăтра та пахалăхлă пурнăçлаççĕ. Туслă коллективра ĕç те кал-кал пырать. Ĕçченсем пĕр-пĕрне пулăшма, сĕнÿ-канаш пама та вăхăт тупаççĕ. Акă, 2007 çулта Зинаида Николаевна Васильева кашни ĕнерен вăтамран 5671 килограмм сĕт сунă. Ĕçчен хĕрарăм фермăра 1981 çултанпа ĕçлет. Хăйĕн ĕçне, ĕнесене чунтан юратать вăл. Тăрăшуллă та маттур хĕрарăма Хисеп хучĕсемпе те чысланă. Зинаида Николаевнăна малашне те ăнăçу, пысăк çитĕнÿсем сунатпăр.

Источник: "Каçал Ен"