19 апреля 2008 г.
Çĕр — пирĕн пуянлăх. Вăл пире тăрантарать. Ял хуçалăх пĕлтерĕшлĕ çĕр пушшех те. Тырпулне те парать, выльăх-чĕрлĕх усрама та май пур. Çавăнпа та кашни çĕр лаптăкĕпе пĕлсе усă курасчĕ. Районта та ку енĕпе çивĕч ĕçлеççĕ. Кашни лаптăка сухаласа, акса хăварас тесе тăрăшаççĕ.
Акă, кăçал 300 гектара яхăн çĕр лаптăкне хатĕрлеме палăртнă. Александровка ял поселенийĕн территорийĕнчи 70 гектар çĕр çинче «Слава картофелю» агрофирма тĕштырă çитĕнтерес тĕллевлĕ. Шурут, Комсомольски ял поселенийĕсенчи усă курман çĕр лаптăкĕсене кĕрхи культурăсем акса хăварма хатĕрлесе çитермелле. «Слава картофелю», «Нива» агрофирмăсем, «Родина», «Золотой колос» ОООсем, «Победа» ял хуçалăх кооперативĕ усă курман çĕрсене çаврăнăша кĕртес енĕпе çине тăрса ĕçлеççĕ.
Ĕç калăпăшĕ пысăк. Пур вăйран тăрăшса çур акине вăхăтра тата пахалăхлă ирттересчĕ.
Источник: "Каçал Ен"