16 апреля 2008 г.
Вунă ытла çул каялла Комсомольскинче федераллă автотрасса хĕррипе, Антонов, Кабалин ячĕллĕ микрорайонсем, унччен «Комсомольский» совхозăн мăйракаллă шултра выльăх самăртмалли комплексĕ çывăхĕнчи çĕрсене çынсем арендăна илнĕччĕ. Хăшĕ-пĕри вара 3—4 çул иртнĕ хыççăн хăйсене уйăрса панă лаптăксене пăрахрĕ. Çĕрулми лартнă вăхăтра çынсем кашниех хăйĕн çĕрне уйрăмшарăн сухалаттарнă, ларттарнă. Çавăнпа та хирсем тикĕс мар. Темиçе çул ĕнтĕ çумкурăк ашкăрать. Çакна шута илсе Комсомольски ял поселенийĕн администрацийĕ çав лаптăксене тикĕслес тесе пĕтĕмĕшле сухалаттарма йышăну кăларчĕ. Çав çĕрсене арендăна илнĕ çынсене пĕр тăхтаса тăмасăр Комсомольски ял поселенине килме ыйтатпăр. Вĕсем малашне те хăйсен лаптăкĕпе усă курас кăмăллă е вăл çĕрсем кирлĕ мар пулсан çакăн çинчен заявлени çырмалла.
Çĕртен кулар мар. Н.Федоров Президент ахаль выртакан çĕрсемпе усă курма хушнă. Çакна шута илсе татăклă утăм тумаллах.
Источник: "Каçал Ен"