12 апреля 2008 г.
Эпир, ачасем, час-часах ял библиотекине çÿретпĕр. Кунта интереслĕ кĕнекесем нумай. Компьютерпа та темĕн те шыраса тупма пулать. Доклад е реферат çырмалла чухне те пулăшать вăл. Библиотекăра тĕрлĕ конкурссем, викторинăсем иртеççĕ.
Апрелĕн 1-мĕшĕнче кайăксен кунне уявлама эпир библиотекăна пуçтарăнтăмăр. Библиотека заведующийĕ В.П.Толокнова «Птицы России» электронлă презентаци йĕркелерĕ. Эпир вара «Кам юрлать;» викторина ирттертĕмĕр. Н.Данилова, Ж.Курицына, И.Галкина, Г.Курицын нумай бал пуçтарчĕç. Çак кун эпир кайăксем пирки нумай интересли пĕлтĕмĕр. Çывăх вăхăтра çемье çулне хатĕрленсе конкурс ирттересшĕн. Эпир, ачасем, В.П.Толокнова библиотекаре тав сăмахĕ калатпăр. Вăл малашне те пире интереслĕ конкурссемпе савăнтарасса шанатпăр.
Источник: "Каçал Ен"