29 марта 2008 г.
РФ сывлăх сыхлавĕн министрĕ Татьяна Голикова 2008 çулхи февралĕн 20-мĕшĕнче “2008—2009 çулсенче ĕçлекен граждансене хушма диспансеризаци тăвасси пирки” хушăва алă пуснă.
Хушма диспансеризаци витĕр пур сферăра ĕçлекен çынсен тухмалла. Çак тĕллевпе уйăракан укçа-тенкĕ тăкакне те ÿстернĕ, тĕслĕхрен, малтан вăл 540 тенкĕпе, 2007 çулта 974 тенкĕпе танлашнă пулсан, кăçал — 1042 тенкĕ.
Диспансеризаци витĕр тухнă чухне терапевт, акушер-гинеколог, невролог, уролог, хирург, офтальмолог, эндокринолог патĕнче тĕрĕсленмелле. Лабораторипе функциональнăй тĕрĕслевсем витĕр те тухмалла. Вĕсен шутне çаксем кĕреççĕ: юн, шăк анализĕсем, юнра холестерин, сахăр шайне тĕрĕслени, электрокардиографи, флюорографи (2 çулта пĕрре), маммографи (40 çултан иртсен 2 çулта пĕрре) тумалла.
Унпа пĕрлех чире тупса палăртас, профилактика тăвас енĕпе диспансеризаци вăхăтĕнче юна тата тĕплĕнрех тĕрĕслеççĕ, арçынсемпе хĕрарăмсене онкомаркер текен тĕрĕслев витĕр кăлараççĕ.
Источник: "Каçал Ен"