Публикации » Тепĕр call-центр уçасшăн

17 апреля 2018 г.

Шупашкарта çывăх вăхăтрах темиçе пин çынна ĕçпе тивĕçтермелли майсем çуралас шанăç пур. Чăваш Республикин Пуçлăхĕ ĕç тăвакан органсен тата муниципалитетсен ертỹçисемпе ирттернĕ планеркăра Михаил Игнатьев пĕлтернĕ тăрăх, "Открытие" банк call-центр уçасшăн, ăна Шупашкарта вырнаçтарасшăн. Аса илтерни вырăнлă, унччен Михаил Задорнов ертсе пынă ВТБ24 банк кунта хăйĕн çавнашкал центрне йĕркеленĕччĕ, пин çурă патнелле ĕç вырăнĕ йĕркеленĕччĕ. Халь Задорнов шăпах "Открытие" банка куçнă, ку call-центр тата пысăкрах пулмалла. Лаптăкĕ 8 пин тăваткал метртан кая мар çурт кирлĕ. Михаил Игнатьев çак ыйтупа çине тăрсах ĕçлеме хушнă. Банк вăтам ĕç укçине те самай пысăк тума хатĕррине шута илсен çак майсене пушшех вĕçертме юрамасть.

Источник: "Каçал Ен"